«Ոչ պիտանի» մթերքների օգտագործումը

Վաշինգտոնում սննդաբան Սառա Շենկերն ու խոհարար Ալդո Զլլին մի քանի բաղադրատոմս են  մշակել բանանի, սոխի կլեպ ու բոլոր բույսերի այն հատվածներից, որոնք սովորաբար աղբաման են նետվում, հաղորդում է rosbalt.ru-ն:

Դա ոչ միայն օգնում է տնտեսել, այլև հնարավորություն է տալիս առավելագույնս օգտագործել դրանց սննդանյութերը: Օրինակ, բանանի կեղևը հարուստ է լյուտեինով, որն օժտված է հակաօքսիդանտային հատկությամբ, ինչի հաշվին այն բավականին լավ պաշտպանում է աչքերը: Բանանի կեղևը նաև հարուստ է սերոտոնինով: Վերջինս համարվում է իբրև երջանկության հորմոն:

Հեղինակներ առաջարկում են բանանի կեղևի վրայից հեռացնել մուգ հատվածները, մի քանի օր այն ջրի մեջ պահել, ապա եփել ու խյուսի վերածել: Ստացվածը զանգվածը կարելի է ավելացնել կարկանդակներին ու չիզքեյքին:

Սոխի կլեպը  պարունակում է  ավելի շատ քանակությամբ կվերցետին ու այլ հակաօքսիդանտներ, քան հենց սոխը: Հետևաբար, առաջարկվում սոխի  կլեպն ավելացնել ապուրներին՝ եփելու ժամանակ, այնուհետև հեռացնել՝ պատրաստ լինելուն պես:

Անանասի կոշտ միջուկն ավելի շատ բրոմելեյն է պարունակում, քան պտղամիսը: Դրանից կարելի է չիփսեր պատրաստել, բարակ կտրատելով ու չորացնելով ջեռոցում` նվազագույն ջերմության պայմաններում:

Հարցեր, պատասխաններ, մեկնաբանություններ